Sihke mátkkošteapmi ja guossástallan addá stuorát njoammunvára, dan dihte mii fertet dál ovttasbargat vai mii nagodit bissehit njoammuma ovdal juovllaid.

Suohkan lea dál duođalaš dilis ja bivdit dan oktavuođas suohkana ássit váldit dili duođalažžan. Mii bivdit buohkaid geat dovdet makkárge dávdamearkkaid váldit iskosa ovttatmanu, iige vuordit ja geahččat jávket go dávdamearkkat.

Ale mana bargui jus dovddat makkárge dávdamearkkaid. Biso ruovttus ja váldde iskosa.

Jus du lagasoktavuođas duođaštuvvo koronadávda, biso erremis ja váldde iskosa. Eanet dieđuid lagasoktavuođaide gávnnat dáppe. 

Dasa lassiin lea mearriduvvon ahte ihtáža rájes galgá Guovdageainnu ja Máze skuvlla gaskadásis (5.-7. klássa) ja nuoraiddásis (8.-10. klássa) leat ruovttuskuvla ja oahpahus Teams bokte. Váhnemat leat ožžon eambbo dieđuid skuvllas ja dát ortnet bistá gitta juovlaluomu rádjái. 

Dehálaš muittuhus:

• Biso ruovttus jus dovdagoađát dávdamearkkaid
• Váldde iskosa
• Váldde koronaboahku
• Unnit galle lagasoktavuođat dus leat