Skuvla álgá mánnodaga 19.08.24 dii. 08:30.  
1.-4. A ja D klássaid vuosttaš skuvlabeaivi álgá disdaga 20.08.24 dii. 08:30. 
Dán jagi deaivvadit oahppit iežaset ceahki olgouvssa olggobealde. 

Muittuhit ahte Guovdageainnu skuvla lea skuovakeahtes ja mobiilatelefovdnakeahtes skuvla. Oahppit sáhttet atnit viessoskuovaid.  

Guovdageainnu skuvllas leat sullii 350 oahppi 1. gitta 10. klássain, sullii 40 oahpaheaddji, golbma ossodatjođiheaddji ja okta rektor.  

SAÁO

SAÁO rahpasa mánnodaga 19.08.24 dii. 07:45, ja lea rabas buohkaide geat leat váldán vuostá SAÁO fálaldaga. 

Sihkkel skuvla- ja SAÁO-áiggis 

Lea lohppii sihkkelastit sihkkelbánas skuvlašiljus friddjagoartiliin ja SAÁO áiggis. Oahppit ferejit atnit oaivesuoji/jealmma. 

Visma Flyt skole

Visma Flyt skole lea digitála reaidu skuvlla ja ruovttu gulahallama váste. Dieđuid ovdamearkka dihte jávkama, mearkkašumiid, árvvoštallamiid ja eará birra sáhttá gávdnat reaiddus. 

Dás sáhttá váhnen/ovddasteaddji logget sisa.

Reaiddus lea maiddái sierra áppa, dás gávnnat čilgehusa movt dan viežžá.

Skuvlasáhttu

Eambbo dieđuid skuvlasáhtu birra gávnnat dás.

Ohcanskovvi.

Devdojuvvon ohcanskovi sáhttá doalvut skuvlii dahje sáddet e-poasta bokte:  
e-post@kautokeino.kommune.no

Mii sávvat bures boahtima miellagiddevaš, sosiálalaš ja ovddideaddji skuvlajahkái!