Denne artikkelen er over 1 år gammel og kan inneholde utdatert informasjon
Buhtadanortnet báikkálaš fitnodagaide
Dál lea Guovdageainnu fitnodagain fas vejolašvuohta ohcat doarjaga buhtadusortnegis mii lea sidjiide geat leat gillán našuvnnalaš ja báikkálaš njoammunsuodjalusdoaibmabijuid geažil. Mii ávžžuhit earenoamážit daid fitnodagaid geat ovdal eai leat ožžon doarjaga dan ortnega bokte ohcat.
Almmuhuvvon 01.12.2021 12.57
Maŋemusat rievdaduvvon 02.12.2021 13.28
Doarjja galgá doaibmat ventiilaortnegiin fitnodagaide mat lea gáhččan áibbas dahje belohahkii olggobeallái stáda ja suohkana iežas buhtadusortnegiid. Dát galgá buhtadit báikkálaš fitnodagaid goluid dahje táhpaid mat bohtet njoammunsuodjalusdoaibmabijuid dahje giddema geažil. Dás leat earenoamážit namuhuvvon mátkeealáhus- doallu,- ja guossohanealáhusat, ja eará fitnodagat mat iešguđetlágan sivaid dihte gáhččet olggobeallái buhtadanortnegiid, omd. gründarat ja eará aittoálggaheaddjit.
Buhtadanortnega njuolggadusaid gávnnat dáppe. Mii bivdit ahte logat njuolggadusaid dárkilit ovdal go sáddet ohcama.
Guovdageainnu suohkanii lea dán liigejuolludeamis boahtán ru 1 487 000,-. Fitnodagat sáddejit ohcama regionalforvaltning.no siiddu bokte. Njuolggoliŋkka dohko gávnnat dáppe.
Ohcanáigemearri lea 02.12.2021, dii. 12:00. Suohkan galgá juolludan dáid ruđaid ovdal 31.12.2021. Juolludanreivve stádas sáhtát lohkat dás (PDF, 208 kB).
Ášši lei suohkanstivrras meannudeapmái 08.04.2021, áššečilgehusa sáhttá dáppe lohkat.
Jus leat jearaldagat de sáhtát váldit oktavuođa ovdanihttinjođiheaddjin Nils Runar Hættain e-boasta bokte: nrh@kautokeino.kommune.no dahje mob.: 90 98 03 77.