Buhtadanortnet báikkálaš fitnodagaide

Dál lea Guovdageainnu fitnodagain vejolašvuohta ohcat doarjaga buhtadusortnegis mii lea sidjiide geat leat gillán našuvnnalaš ja báikkálaš njoammunsuodjalusdoaibmabijuid geažil.

Doarjja galgá doaibmat ventiilaortnegiin fitnodagaide mat lea gáhččan áibbas dahje belohahkii olggobeallái stáda ja suohkana iežas buhtadusortnegiid. Dát galgá buhtadit báikkálaš fitnodagaid goluid dahje táhpaid mat bohtet njoammunsuodjalusdoaibmabijuid dahje giddema geažil. Dás leat earenoamážit namuhuvvon mátkeealáhus- doallu,- ja guossohanealáhusat, ja eará fitnodagat mat iešguđetlágan sivaid dihte gáhččet olggobeallái buhtadanortnegiid, omd. gründarat ja eará aittoálggaheaddjit.

Buhtadanortnega njuolggadusaid gávnnat dáppe (PDF, 149 kB). Mii bivdit ahte logat njuolggadusaid dárkilit ovdal go sáddet ohcama.

Guovdageainnu suohkanii lea juolluduvvon oktiibuot ru. 1 361 381,- dán ortnegii. Fitnodagat sáddejit ohcama regionalforvaltning.no siiddu bokte. Njuolggoliŋkka dohko gávnnat dáppe.

Ohcanáigemearit leat 22.04.2021 ja 26.05.2021. Jus dan maŋŋil ain lea báhcán ruhta de meannuduvvojit ohcamat ovdal 01.09.21 mii lea maŋemus dáhton goas suohkan sáhttá juohkit doarjaga fitnodagaide.

Ášši lei suohkanstivrras meannuduvvon 08.04.2021, olles áššečilgehusa sáhttá dáppe lohkat. Juolludanreivve stádas sáhtát lohkat dáppe

Jus leat jearaldagat de sáhtát váldit oktavuođa ovdanahttinjođiheaddjin Nils Runar Hættain

e-boasta bokte: nrh@kautokeino.kommune.no dahje mob.: 90 98 03 77.

Deaddil ja stuora govva ihtá