Dat áigi go muhtin rievdá, vajálduhtte man birra ikte humaide, dahje ii dovdda šat du. Dát áigi sáhttá leat hui váttis ollugiidda. Háliidat go deaivat soapmása geas lea seamma dilli go dus alddát?

Guovdageainnu suohkan ja Guovdageainnu demeansasearvi bovdeba oapmahaččaid gáfestallamii. Dát lea deaivvadanbáiki demeansabuhcciid oapmahaččaide. Dáppe sáhttibehtet deaivvadit earáiguin geat leat seamma dilálašvuođas ja lonohallat vásáhusaid, doppe leat maiddai fágaolbmot.
Doppe lea eaŋkil guossoheapmi. Atte midjiide áinnas dieđu SMS:a bokte, telefovdna 47 46 53 46, jus boađát, de diehtit man ollu borramuša mii galgat rehkenastit.
Kaféa lea Goalseluodda 21:s. Fálaldat lea nuvttá.

Dáhton oapmahaččaidkafeai lea:
Disdaga borgemánu 22. beaivvi, diibmu 11.00 – 13.00
Disdaga čakčamánu 19. beaivvi, diibmu 11.00 – 13.00
Disdaga golggotmánu 17. beaivvi, diibmu 11.00 – 13.00
Disdaga skábmamánu 14. beaivvi, diibmu 11.00 – 13.00
Disdaga juovlamánu 5. beaivvi, diibmu 11.00 – 13.00

Bures boahtin!