Boahkuhanstáhtus Guovdageainnu suohkanis

Suohkanis ovdána boahkuheapmi, dán rádjái leat 101 boahkuhuvvon.

Deaddil ja stuora govva ihtá 

Dán 101 olbmos leat 17 ožžon vel nuppi boahku, ja de leat ollásit boahkuhuvvon.

Suohkan háliida bidjat fuomášumi dasa man dehálaš lea ahte sii geain lea šihttojuvvon áigi boahkuhuvvot bohtet dan áigái, dahje dieđihit ahte eai boađe unnimusat 24 diimmu ovdal mearriduvvon áiggi.

Dálkkasbohttalis leat birrasiid 6 dálkkasdosa. Maŋŋel go dálkkasbohtal lea rahppon, de dat ferte adnot ovdal go leat mannan 6 diimmu.

Jus sii geain lea boahkuhandiibmu eai boađe váldit boahku, de sáhttá dáhpáhuvvat ahte dálkkasdosat mannet duššái.

Dan dihte lea dehálaš  ahte sii geat eai goitge sáhte váldit vuosttá dan boahkuhandiimmu man leat ožžon, dieđihit áiggil, nu ahte dearvvašvuođabargit sáhttet riŋget olbmuide geat leat vuorrolisttus.

Mii riŋget šiehttat boahkuheami telefonnummáriin 485 00 784, ja lea dehálaš ahte min ássit vástidit go dien nummáris riŋget.