Dát joavkkut ožžot boahkuhanfálaldaga gaskavahkku čakčamánu 15. beaivvi 2021.

Boahkuheapmi čađahuvvo LES-viesus, Guovdageainnus.

Mánát ja nuorat gaskkal 12 ja 15 jagi

Koronaboahkuheapmi mii fállojuvvo, lea dohkkehuvvon 12 jagis bajás. Boahkuheapmi fállojuvvo sidjiide geat leat riegádan 2006–2008, ja buohkaide geat leat riegádan 2009 go leat deavdán 12 jagi.
Boahkuheamis lea álggos okta dosa. Nuoraide gaskkal 12-15 jagi lea boahkuheamis obbalaččat hui buorre ávki.

Ággan manne dán joavkku dál boahkuhit, lea ahte njoammun lassána mánáid ja nuoraid gaskkas Norggas, ja nuorain leat ollu sosiála oktavuođat. Go máŋgasiidda lea njommon, de maid sáhttá dáhpáhuvvat ahte eanebut šaddet buohccivissui. Sáhttá maid leat ahte soapmásat ožžot dan hárve ja duođalaš komplikašuvnna MIS-C, mii lea vuolšedilli maid soapmásat vásihit 2-6 vahkku maŋŋel koronanjoammuma. Danne rávvet mii buohkaid gaskkal 12-15 jagi boahkuhuvvot.

Vánhemat sáhttet diŋgot boahkuhandiimmu HelseNorge neahttasiiddu bokte dahje riŋget boahkuhantelefovdnii 48500784.

Boahkuheapmi lea LES-viesus. Go diŋgo diimmu, de gullá goas galgá boahtit boahkuheapmái.

Buot mánáin gálgaba goappašat vánhemat mieđihit boahkuheapmái. Danne leat buot skuvlamánát ožžon mieđihanskovi skuvllas, dan galget váhnemat addit ruovttoluotta skuvlii. Sáhttá maid váldit fárrui boahkuheapmái.

Mieđihanskovi sáhttá maid gávdnat FHI neahttasiiddus.

Oahppit, studeanttat ja bargit joatkkaskuvllas ja allaskuvllas

Dal lea ollu koronanjoammun nuoraid gaskkas Norggas, ja earenoamážiid ohppiid ja studeanttaid gaskkas. Dan dihte lea dehálaš ahte nuorat ja oahpaheaddjit boahkuhit iežas, vai mii dainna lágiin eastadit koronanjoammuma Guovdageainnus. 

Olbmot sáhttet ieža diŋgot diimmu HelseNorge neahttasiiddu bokte, dahje riŋget koronatelefuvdnii 48500784. Olbmot sáhttet maid boahtit diŋgojumi haga, muhto mii ávžžuhit ovdagihtii diŋgot diimmu.

Mii sávvat ahte máŋggas háliidit boahkuhit iežas, vai mii dainna lágiin eastadit Covid-19 pandemiija.

Gulahallan olmmoš dán áššis lea:

Suohkanváldodoavttir Anne Lajla W. Kalstad, tlf.: 41333342