Čakča lea dábálaš nuorvoáigi, ja njuolggadusat celket čielgasit ahte go bargis leat nuorvodávdamearkkat, de ii galgga boahtit bargui, nu ahte njoammuvárra unnu. Mii oaidnit dán erenoamáš dehálažžan go bargi bargá mánáiguin ja vuorasolbmuiguin dahje eará geavaheddjiiguin rašes joavkkuin. Dát čavgadis njuolggadusčuovvun dahká ahte suohkanis leat erenoamáš hástalusat mánáidgárdde-, vuođđoskuvla- ja dearvvašvuođa ja fuolahusbálvalusas fállat beaivválaš doaimma.

Buhtisdoallamis sáhttá maiddai leat liige hástaleaddjin, go mis lea erenoamáš ráinnasdoallan muhtin lanjain doalahit dan njoammunrádjema.

Lea lemaš erenoamáš váttis oažžut sadjásašbargiid geat sáhttet veahkehit min dán áigodagas, fásta bargit ja fásta sadjásašbargit barget ollu badjeláiggi ja váibet.

Mii ávžžuhit dan dihte du, gii logat dán, ja dus lea dilli ja miella, váldit miiguin oktavuođa soahpat vejolaš bargovuoruid/diimmuid min bálvalusain mánáidgárddis, vuođđoskuvllas dahje dearvvašvuođa ja fuolahusas.

Gulahallandieđut:

Áiggut go bargat sadjásažžan mánáidgárddis, riŋges doaibmajođiheaddji Britt Ørnebakk, tlf 452 30 857.

Áiggut go bargat sadjásažžan vuođđoskuvllas riŋgestat mánáidskuvlla rektorii Ella Eira, tlf 452 53 237, nuoraidskuvlla rektorii Ellen J. Sara Eira, tlf 454 05 047 dahje Máze skuvlla rektorii Inger-Berit V-H. Sara, tlf 413 67 965.

Áiggut go bargat dearvvašvuođa- ja fuolahusa bálvalusain riŋgestat suohkanjođiheaddjái Kent Ailo Hætta, tlf. 906 65 176.