Ássandoarjja lea dárbbuárvvoštallán doarjjaortnet stádas sidjiide geaiguin leat alla ássangolut ja unnit sisaboahtu. 

Viessobáŋku ja suohkan ovttasbarget ássandoarjjaortnegiin. Viessobáŋku dahká mearrádusa, muhto lea suohkan gii meannuda ohcamiid ja mas lea oktavuohta ohcciiguin.

Dal sáhttá ain ohccát ássandoarjaga juovlamánu, ođđajagimánu ja guovvamánu ovddas. Lea rahppon vejolašvuohta daid mánuid ovddas ohccát gitta cuoŋománu 1. beaivve rádjai.

Dás sáhtát lohkat eambbo movt ozat ássandoarjaga ovddeš mánuid ovddas

Alla elrávdnjehattiid dihte lea ássandoarjja nannejuvvon ovtta áigodahkii. Dat dagaha ahte eambbosat sáhttet oažžut ássandoarjaga, ja ahte oallugat ožžot eambbo ássandoarjaga go dábálaččat juovlamánus, ođđajagimánus ja guovvamánus. Dasa lassin ožžot buohkat geat ožžot ássandoarjaga dan áigodaga lassi doarjaga elrávdnjegoluide.

Viessobáŋku ruovttusiiddus sáhtát lohkkat eambbo dieđuid ássandoarjaga birra, ja doppe sáhttá sáddet digitála ohccáma

Jus dus leat gažaldagat ja orut Guovdageainnu suohkanis de váldde oktavuođa NAV Guovdageainnu kantuvrrain. Rabasáiggiid oainnát das.