Dáhton: Borgemánu 17.b. 2023, dii. 13:45 
Báiki: Vuolgga lea suohkanviesu luhtte

Mii lea Arctic Race of Norway?

Arctic Race of Norway lea profeššunealla sihkkelgilvu mii lea lágiduvvon iešguđet báikkiin Davvi-Norggas jahkásaččat 2013 rájes. Dát lea áidna UCI Europe Tour-sihkkelgilvu mii lágiduvvo Davvi-Eurohpás, masa servet muhtun máilmmi buoremus gilvosihkkelastit. Gilvu lea juhkkojuvvon máŋga oassegaskkaide, mas vuosttaš oassegaska 10-jagi ávvudeamis čađahuvvo Guovdageainnus Áltái. Arctic Race of Norway birra sáhtát eambbo lohkat sin neahttasiidduin.

Makkár váikkuhusat leat dás min suohkanii?

Arctic Race of Norway lágideaddjesuohkanin min guovlu gártá leat guovddážis dán beakkánis lágideamis. Dát addá midjiide earenoamáš vejolašvuođa čájehit min čáppa meahci, kultuvrra ja man váimmolaččat mii vuostáiváldit gussiid globála publikummii. Dát addá nai ekonomalaš buriid, go gilvvu geažil bohtet deike lágideapmái searvat guossit, sihkkelfánssat, joavkkut ja sponsorat. Dát mearkkaša min suohkan šaddá eambbo oidnosii ja nai vejolaš ovdamuniid min báikkálaš fitnodagaide.

Movt don sáhtát searvat?

Leat ollu vuogit movt sáhtát searvat Arctic Race of Norway lágideapmái:

Movttiidahttit gilvosihkkelastiid: Mii háliidit nu ollugiid go vejolaččat gilvoruvtto bálddas gávdnat buori saji ja speažžut gieđaid, čuorvut, riedjat ja movttiidahttit gilvosihkkelastiid go šuvihit meaddel. Movttiidahttit sin šilttaiguin, plakáhtaiguin ja buriin miellalágiin.

Eaktodáhtolaš bargu: Searvva dan veahkkás jovkui mii veahkeha organiseret lágideami. Leat eanet barggut, ee. dárbbašit láhttovávttaid, parkerenvávttaid ja eaktodáhtolaččaid geat veahkehit diehtojuohkimiin ja leat smáđáhkkásat.

Lágidandoaimmat: Šaddet eanet oalgelágideamit ja doaimmat Arctic Race of Norway oktavuođas. Min neahttasiidduin gávnnat ođastuvvon dieđuid dan birra movt don sáhtát searvat. Earenoamážit háliidit namuhit álbmotfeastta gaskavahku 16.08 semináraiguin ja konsearttaiguin. Dán lágideapmái lea sierra prográmma.

Mii ávžžuhit buohkaid min suohkanis searvat dán gelddolaš dáhpáhussii ja čájehit min doarjaga sihke oasseválddiide ja lágideddjiide. Ovttas mii sáhttit dahkat Arctic Race of Norway 2023 dakkár vásáhussan man ii oktage goassege vajálduhte. 

Eanet dieđuid ja ođasmahttimiid Arctic Race of Norway birra gávnnat suohkana neahttasiiddus ja čuovo min Facebookas. Dáppe dieđihit nai makkár váikkuhusaid dat buktá johtalussii sihke márkanis, Mázes ja E45:ii gaskal Guovdageainnu ja Álttá. 

Mii illudit sávvat sihke gilvosihkkelastiide ja gussiide buresboahtima min čáppa suohkanii go Arctic Race of Norway 2023 lágiduvvo!