Suohkanplána servodatoassi galgá leat mielde hábmeme Guovdageainnu boahtteáiggi. Čoahkkimis, mii lei Báktehárjji kafeas, serve badjel 30 ássi, berošteaddjejoavkkut, ja suohkana áirasat digaštallat ja buktit cealkámušaid plánii.

Gulahallanvuođđu suohkanplána servodatoassi sisttisdoallá suohkana viiddis višuvnna ja bidjá rámmaid sávvojuvvon ovdáneapmái buot surggiin ealáhusain gitta skuvllaide, dearvvašvuhtii ja infrastruktuvrii. Álbmotčoahkkin fálai rabas vuolggasaji gos ássit besse buktit oaiviliiddiset ja vuorjašumiideaset, ja erenoamážit buktit iežaset jurdagiid ja čovdosiid.

Prošeaktajođiheaddji Várdu AS:s, Marit Meløy, gii jođiha ođastanproseassa, lea duhtavaš dainna áŋgiruššamiin mii bođii ovdan: “Oasseváldiid aktiivvalaš searvan dasa lea dehálaš vai mii ovttas sáhttit hábmet dakkár plána mii speadjalastá servodaga.”

Oaiviliid mat bohtet ovdán čoahkkimin mii geahččalit vuhtiiváldit nu guhkás go vejolaš dan loahpalaš suohkanplánii. Leat vel plánejuvvon gulahallančoahkkimat, ja buot ássit ávžžuhuvvojit čuovvut mielde suohkana ruovttusiiddus gos bohtet eambbo dieđut ja čoahkkinvejolašvuođat, erenoamážit nuoraide ja eaktodáhtolaš suorgái. 

Álbmotčoahkkin ii dušše duođaš dan stuora beroštumi Guovdageainnu álbmoga bealis, muhto dat nanne maiddái vuođu fátmmasteaddji ja ovddasteaddji suohkana plánaprosessii mii galgá loahpahuvvot dainna ahte suohkanstivra mearrida ođđa plána juovlamánus 2024.

Ássiidiskkadeapmi Guovdageainnus - presentašuvdna álbmotčoahkkimis 22.04.024 (PDF, 489 kB)