Álbmotčoahkkin sámi dearvvašvuođa ja dutkama birraLytt til tekstenStopp avspillingMii addá midjiide buori eallindili ja dearvvašvuođa? Buohkat leat bures boahtin álbmotčoahkkimii boahtte disdaga ođđajagimánu 14. beaivvi dii. 19:00, gos lea vejolaš oahppat eambbo dán birra. Almmuhuvvon 09.01.2025 17.03 Maŋemusat rievdaduvvon 09.01.2025 17.04 Maid gávnnahit SAMINOR bokte?SAMINOR čohkke dieđuid sihke jearahallanskoviid ja fysalaš iskkademiid bokte. SAMINOR-dutkanjođiheaddji Ann Ragnhild Broderstad muitala maid mii leat gávnnahan sámi dearvvašvuođa birra ovddit SAMINOR-iskkademiin ja maid háliidit dán vuorus dutkat. Mii addá buori eallima Sámis?Ovdal go SAMINOR 3 álggahuvvui, de serve 55 oasseváldi jearahallaniskkadeapmái Norgga bealde Sámi. Oasseváldit vástidedje mii sidjiide addá buori eallima ja maid galggašii dutkat dearvvašvuođa birra. Inger Dagsvold ovdanbuktá osiid bohtosiin dáid jearahallamiid vuođul. Manne min nuorat galggaše gazzat alit oahpu?Álbmotiskkadeamit čájehit ahte alit oahppu addá buoret dearvvašvuođa. Sii geat leat gazzan alit oahpu ellet guhkit ja leat dearvašeappo. Sámi allaskuvllas čoahkkanit studeanttat miehta Sámis eret, muhto sámis lea ain stuora dárbu oažžut eambbosiid gazzat alit oahpu. Movt sáhttit mii fárrolaga láhčit dili nu ahte eambbosat gazzet alit oahpu?Vuosttaš geardde sámi buohccidivššároahppu Diibmá čavčča gárvejedje vuosttáš studeanttat sámi buohccidivššároahpu. Mii lea sámi buohccidivššároahppu ja man láhkai lea dat earálágán go dábálaš buohccidivššároahppu? Rektor Liv Inger Somby muitala.