Psykiátralaš buohccedivššár/ klinihkalaš sosionoma/ terapevta (SÁNAG / Sámi našuvnnalaš gealbobálvalus, Sámi Klinihkka, Finnmárkku buohcceviessu HF)

Guovdageainnu suohkan sávvá danin ahte sii geat biddjojuvvojit virgái oidnet hástalusaid mat leat báikkálaš servodagas ja man mávssolaš lea doaimmahit bálvalusa earenoamážit Guovdageainnus gos leat ollu hástalusat maŋŋil guohtonroasu ja eará bággejuvvon nuppástusaid suohkana váldoealáhusas, namalassii boazodoalus.

Guovdageainnu suohkan lea hui ilus dáinna ja sávvá lagas ovttasbarggu dán deaŧalaš fágasuorggis. Dainna lágiin sáhttá suohkana bálvalus šaddat oassin stuorát fágabirrasis. 

Almmuhus álgá ná: Leat go gearggus álgit bargui Sámi našuvnnalaš gealbobálvalusas (SÁNAG), Sámi Klinihkas?

Sámi Klinihkas lea erenoamáš ovddasvástádus fállat ja ovddidit ovttaárvosaš ja ollislaš spesialistadearvvašvuođabálvalusaid sámi álbmogii. Dat lea čađaáigge ovddidanbargu ja dan oktavuođas viiddidit mii iežamet fálaldaga 2 ođđa 100% bistevaš virggiin. Bargosadji lea vuosttažettiin Guovdageainnus, muhto Romssas sáhttá maid leat vejolaš bargat.

Ohcanáigemearri lea 18.02.2024

Dás gávnnat olles almmuhusteavstta