Guovdageainnu suohkan vásiha dál dan stuorámus njoammuma olles pandemiijas. Gávzzi olbmo leat isolašuvnnas maŋŋil Eben Esera čoakkalmasa. Dasa lassin lea gávzzi olbmui duođaštuvvon njommon maŋŋil ovtta feasta maid okta bargosadji lágidii. Guokte olbmos lea njoammun maid mii eat dieđe gos boahtá.

Váikko lea logi olbmui njommon korona maŋemus guokte jándora ja eai leat leamaš eambbo olbmot oktanaga isolašuvnnas ovdal de dovdá Guovdageainnu suohkanváldodoavttir Anne Lajla W. Kalstad ahte mis lea kontrolla dán dilis. Dat ahte njoammunlogut lassánit lea vurdojuvvon go mii diehtit ahte lea dábálaš ahte njoammun dáhpáhuvvá bearašmielláhtuid gaska geat jo leat erremis, loahpaha Kalstad.

Sátnejođiheaddji Hans Isak Olsen dadjá ahte álbmot ferte váldit ovddasvástádusa ja váldit boahku. Son ávžžuha buohkaid geat eai vel leat váldán boahku dahket dan, ja sii geat sáhttet váldit nuppi ja goalmmát dosa dahket dan. -Mii joatkit boahkuhemiin vel 15.12 ja 22.12 ovdal go váldit juovlaluomu boahkuheamis.

Loga eambbo boahkuheami birra dáppe.