Suohkandirektevra

Suohkandirektevra lea suohkana bajimus hálddatlaš jođiheaddji. Hálddahushoavdda barggut ja váldi leat čilgejuvvon Suohkanlágas § 23. Hálddahushoavda lea olles suohkana hálddahusa jođiheaddji, earret dáin osiin maid lágat čilgejit, ja suohkanstivrra mearriduvvon rámmaid siskkobealde.

Hálddahushoavda galgá bearráigeahččat ahte áššit mat ovddiduvvojit álbmotválljejuvvon orgánaide, leat dohkálaččat ja doarvái bures guorahallojuvvon ja ahte mearrádus čađahuvvo. Hálddahushoavda galgá geahččat ahte hálddahus doaibma lágaid, njuolggadusaid ja bajit bagadusaid mielde, ja ahte dárkkistuvvo dohkálaččat.

Oasálastin- ja hupmanvuoigatvuohta álbmotvállejuvvon čoahkkimin

Hálddahushoavddas lea sihke oasálastin- ja  hupmanvuoigatvuohta, persovnnalaččat dahje iežas bargiid bokte, buot suohkanlaš álbmotvallejuvvon orgánain earret dárkkistanlávdegottis.

Suohkanlaš álbmotválljejuvvon orgána sáhttá hálddahushovdii addit válddi mearridit ovttaskasáššiin dahje áššiin main ii leat prinsihpalaš mearkkašupmi, jus dal ii suohkanstivrra leat mearridan juoga eará.

Dás čilgejuvvo álkit mot suohkandirektevrra rolla lea suohkanis.