Bálvalus lea veahkehan dihte suohkana ássiid geat dárbbašit veahki iešguđetge oktavuođain sámegillii nugo:

• Jorgalit ja čilget sisdoalu reivviin/ dokumeanttain.
• Čállit reivviid, telegrámmaid, ohcamiid, ja deavdit skovit, sihke čálalaččat ja elektrovnnalaččat. 
• Gávdnat eará heivvolaš veahki mii heive iešguđetge áššis.
• Váldit oktavuođa eará instánssain gos eai huma sámegiela.
• Veahkehit dihtorin ja digitála veahki.

Sáhttá leat olu masá olmmoš dárbbaša veahki, ja iige leat vejolaš geasge jearrat veahki, ja dál lea suohkanis olmmoš justte dan váste. Sáhttá riŋget dahje fitnat bálvaluskantuvrras,
áiggi ii leat dárbu diŋgot, muhto lea vejolaš dan maid bargat jus háliida. Lohkan- ja čállinveahkkebálvalus bargis lea kantuvra suohkanviesu bálvaluskantuvrras. 
Lohkan- ja čállinveahkki galgá maid Mázes fitnat muhtomin, muhto dat ii leat vel čielgan goas ja man dávjá. 

Kantuvrra rahpanáigi:
Árgabeivviid dii. 09.00 - 15.00

Suohkanviesu bálvaluskantuvra
Bredbuktnesveien 6
9522 Guovdageaidnu / Kautokeino

Ellen J. Hætta
Tlf.nr.: 412 92 094
E-boasta: Ellen.j.haetta@kautokeino.kommune.no