Guovdageainnu kulturviessu lea suohkana stuorámus kulturvistti ja doaibmá ruoktun ollu kultuvrralaš doaimmaide ja aktevrraide. Guovdageainnu kulturviesus lea gievkkan, kafea ja sála gos lágiduvvot iešguđetge doaimmat. 

Háliidat go lágidit maide Kulturviesus? 
Váldde oktavuođa Servicetorgain

Dieđuid láigohattiid birra gávnnat dáppe. 

Báktehárji lea Guovdageainnu suohkana máŋggageavahushálla gos lágiduvvot valáštallandoaimmat, kulturdoaimmat ja eará lágideamit dego heajat, seminárat ja čoahkkimat. Báktehárji lea šaddan earenoamáš bivnnut Sámi Grand Prix ja Sámi Beassášfestivála dihte.

Háliidat go lágidit maide Báktehárjjis? 
Váldde oktavuođa Servicetorgain

Dieđuid hattiid birra gávnnat dáppe. 

Álbmotgirjerádjosa gávnnat Guovdageainnu kulturviesus. 
Girjerájus lágida iešguđetlágan doaimmaid (earret eará girjebottuid, girjeságastallamiid ja girjealmmuhusaid) sihke mánáide, nuoraide ja rávisolbmuide. 

Guovdageainnu kultursálas lea Guovdageainnu stuorimus lávdi mas lágiduvvot feara makkár doaimmat ja doalut. Kultursálas lea vejolašvuohta lágidit konsearttaid, čájehit filmmaid ja teáhtera ja lágidit eará doaimmaid. Guovdageainnu kultursála lea maid Kulturskuvlla ruoktu. Kultursálii čáhket 138 olbmo. 

Háliidat go lágidit maide Kultursálas? 
Váldde oktavuođa Servicetorgain

Dieđuid hattiid birra gávnnat dáppe. 

Nuoraidsiida lea nuoraid iežaset deaivvadanbáiki gos nuorat ieža mearridit. Nuoraidsiidda gávnnat Guovdageainnu Kulturviesu gealláris. Nuoraidsiidda uvssa gávnnat go vuoját Kulturviesu duogábeallai. 

Loga eambbo Nuoraidsiidda birra

Dieđuid hattiid birra gávnnat dáppe. 

Sámi Našunálateáhter Beaivváš (SNTB) lea Guovdageainnus, Finnmárkkus, Norggas. Beaivváš Sámi Našunálateáhter lea áidna ámmát institušuvdna Davviriikkain gos álo adno sámegiella lávdegiellan. 

Beaivváš lágida teáhterčájáhusaid mat čájehuvvot sihke Guovdageainnus ja miehtá Sámis. Sii leat aitto fárren áibbas ođđa visttii. Teáhtera gávnnat Čoarvemáddagis. 

Loga eambbo Beaivváža birra

Juhls Sølvsmie ásahuvvui go Frank ja Regine Juhls bođiiga Guovdageidnui 1950-logus. Soai leaba dan rájes huksen galleriija mii lea šaddan bivnnuhis báiki sihke báikkálaš olbmuide ja turisttaide. Juhlsas lágiduvvot maid konsearttat. 

Loga eambbo Juhlsa birra dás

Guovdageainnu gilišillju luhtte beasat vásihit kultuvrralaš girjáivuođa rittus duoddarii, dávviriid, govaid ja muitalusaid bokte. Gilišiljus leat árbevirolaš sámi dávvirat ja muittut ja lea vuogas báiki oahpat Guovdageainnu historjjá birra. 

Rabasáiggiid ja eambbo dieđuid gávnnat dás

Davvi Division lea sámi multidáiddastudio man ulbmil lea leahkit sihke performancebáikin, hárjehallanbáikin ja oahpahusbáikin musihkkáriidda, dánsariidda ja muđui dáiddariidda. 
Davvi Division lea maid ruoktu Lounge Sápmi konseartakonseptii. 

Loga eambbo Davvi Divisiona birra

Dáiddadállu lea ásaheami rájes 2014:s šaddan guovddáš sadjin sámi dálááiggedáidaga ja báikkálaš, guvllolaš, sisriikkalaš ja riikkaidgaskasaš fágabirrasiid ja álbmoga gaskkas.

Loga eambbo Dáiddadálu birra

Guovdageainnu girku lea arkiteaktatevdnejuvvon vistti mii huksejuvvui 1958:s dan maŋŋel go duiskalaččat bolde boares girku bodnái 1944:s. Ovdal soađi lei Guovdageainnu girku okta dain boarráseamos girkuin olles Finnmárkkus. 

Guovdageainnu girku lea stuorimus girku Guovdageainnus. Girkui čáhket 250 olbmo. 

Loga eambbo Guovdageainnu girku birra

Máze girku lea huksejuvvui 1965:s. Máze girku lea stuorimus girku Mázes. Girkui čáhket 150 olbmo. 

Loga eambbo Máze girku birra