Dávdamearkkat sáhttet álgit láivves dávdamearkan dego ovdamearkka dihte oaivebávččas ja dahppon njunni, dahje eanet dábálaš influeansa sullasaš dávdamearkkat dego feber, gosahat, čottabávččas ja hedjonan obbalašdilálašvuohta. Dávdamearkkat sáhttet leat covid-19 mearkkat. Sii geat leat boahku váldán sáhttet oažžut dušše láivves nuorvodávdamearkkaid go lea covid-19.

Maid galggat bargat go leat dovdagoahtán vuoiŋŋahatvuolšedávdamearkkaid?

Go galgá váldit koronaiskosa

Don sáhtát váldit iešiskosa ruovttus, dahje sáhtát iskkusstašuvnnas váldit iskosa.

Jus dus lea leamaš covid-19 maŋemus 3 mánu ja fas dovdagoađát dávdamearkkaid, ávžžuhit ahte válddát iešiskosa.

Negatiiva iskkusboađus

Berret orrut ruovttus gitta dovddat ahte leat dearvvaš, ja ii leat leamaš feber maŋemus 24 diimmu. Láivves dávdamearkabázahusat dego golgi njunni, snuolggat, siđosvuohta ja veahá gosahat ii daga maidege.

Jus leat láivves dávdamearkkat sáhtát mannat bargui seammá beaivvi, muhto jus dávdamearkkat vearránit berret vuolgit ruoktot.

Positiiva iskkusboađus

Ávžžuhuvvot orrut ruovttus 4 jándora das rájes go dovdagohtet dávdamearkkaid, dahje dan beaivvi rájes go váldet positiiva iskosa jus dus eai leat dávdamearkkat. Jus leat dávdamearkkat ávžžuhuvvo maid ahte ii leat leamaš feber maŋemus jándora. Ávžžuhuvvo ahte doalat gaskka earáide seammá viesus ja vejolaččat atnit njálbmesuoji.

Jus lea positiiva iskkus, berret registreret dan suohkana njoammuguorranvuogádaga bokte:

ReMin Smittesporing

Positiiva iešiskkus berre duođaštuvvot iskkusstašuvnnas jus don it leat ollásit boahkuhuvvon, dat mearkkaša ahte it leat váldán ođastandosa (booster). Sii geat leat váldán ođastandosa, dahje leat vuođđoboahkuhuvvon ja de lea leamaš covid-19 buohcci maŋemus 3 mánu, ii leat dárbu váldit duođaštan iskosa.

Váldde oktavuođa du doaktáriin jus leat vuorjašuvat iežat dearvvašvuođa dihte dahje máná dihte.