Guovdageainnu suohkan lea bargagoahtán addit geaidnočujuhusaid buot viesuide suohkanis maidda galgá bidjat čujuhusa. Dan oktavuođas dárbbašit mii geaidnonamaid máŋggaide geainnuide suohkanis.
Fylkageainnuin ja E45:s leat juo namat, vaikko dán radjái eai leat adnon čujuhussan namain ja nummáriin.
Mii dárbbašit dan dihte nammaevttohusaid suohkana ássiin min geainnuide, ovdal go sáddet ášši gulaskuddamii.
Áigemearri buktit gulaskuddanevttohusaid biddjo njukčamánu 1. beaivái 2020. Mii bivdit ahte evttohusat merkejuvvojit referanssain 2020/170.
Buohkat sáhttet buktit evttohusaid, muhto dáhttut ahte evttohus lea vuođuštuvvon
Almmuhuvvon 31.01.2020 14.42
Maŋemusat rievdaduvvon 31.01.2020 16.18
Báikenammaláhka mudde movt geaidnonamat meannuduvvojit.
Čuovvovaš eavttut gusket čujuhusnamaide:
- Ferte čuovvut báikenammalága njuolggadusaid. Movt namma galgá čállot galgá báikenammabálvalus dohkkehit.
- Berre hukset báikkálaš nammavirrui, váldit vuhtii báikkálaš kulturárbbi ja heivet báikái.
- Bør være lokaliserende.
- Ii ábut leat loavkašuhtti dahje boagustahtti.
- Ferte leat dušše okta dakkár namma suohkanis, iige galgga sáhttit seaguhit eará čujuhusnamain dahje namaiguin mat adnojuvvojit suohkanis ja leat dovddus eatnasiidda suohkanis.
- Nu bures go vejolaš berre garvit ovttalágan namaid ránnjásuohkaniin dahje seammá “heahtevuolginguovllus”.
- Olbmuid namaid geat dál ellet ii galgga atnit. Vádjolan olbmuid namaid dahje fiktiiva olbmuid namaid galgá atnit dušše go dasa leat earenoamáš ákkat.
- Fitnodatnamaid ii berre atnit, dahje namaid nu movt Skuvlageaidnu, Girkogeaidnu dahje eará namat mat leat ollu anus.
- Namat berrejit leat máŋggabealálaččat.
- Namaid berre leat álki čállit ja dadjat.
- Namain berre leat geažus luodda dahje geaidnu.
Evttohusaid sádde Guovdageainnu suohkanii, Bredbuktnesveien 6, 9520 Kautokeino, dahje e-boasttain.
Čuovvovaš geaidnoparseallat dárbbašit nama
Ávži
Parsealla 1 (ruoksat) Parsealla 2 (ruoná)
Mázes máŋga parsealla
Geaidnu Vuollemázes šaldis nuorttabeal eanu, earret eará Čievramielle meattá.
Ássanguovlu Mázes (ruoksat)
Fylkageaidnu Badjemázes rámbuvrri rádjái, ja das E45 rádjái.
Fylkageaidnu rámbuvrris eanu oarjjabealde Vuollemázes, gitta Ruogonjárgii.
Badjemáze, luoddabihttá fylkageainnus eanu oarjjabealde ja bajás Mázejohnjálbmái.
Čohkadievvá ássanguovlu
Čuđejohka ássaguovlu
Guhkesluokta ássanguovlu
Rukses geaidnu 1: Čunovuohppái geaidnu, gitta Madam Bongo duottarstobu rádjái Rukses geaidnu 2: Goaskinnjavi geaidnu Ruoná geaidnu: Geaidnobihttá Goaskinnjavi geainnus Čunovuohppái.
Gárggoluobbala viesuid lusa geaidnu
Hannomaras fitnodatguovlu, gos earret eará Vefas/Oafir lea. Parsealla 1 – Ruoksat Parsealla 2 – Ruoná
Láhpoluoppal Ássanguovlu, ruoksat Láhpojoga guvlui, ruoná
Mierojávri, guokte parsealla Rukses, geaidnu Guovlajávrri guvlui Ruoná, geaidnu Mieronjavi guvlui
Siebes geaidnu
Geaidnu Suohpatluohká ássanguvlui
Suoidnerohtu ássanguovlu Kárášjoga suohkanráji duohkái
Geaidnu Sutnjui
Ákšomuotki, guokte parsealla Ruoná parsealla, geaidnu fylkageainnus nuorttabeal eanu Biltaveadji guvlui Rukses parsealla, geaidnu fylkageainnus eanu oarjjabealde Luoktagohpi guvlui.