Guovdageainnu skuvlla vuojadanbáiki lea leamaš gitta njukčamánu 2024 beallemuttu rájes teknihkalaš boasttuvuođa geažil basseaŋgga lokten- ja vuolidanfunkšuvnnas. Dát dagahii maid vahágiid basseaŋgga ravdii, ja danne lea leamaš dárbu stuorat divodemiide. Suohkan lea dan rájes go giddejuvvui, ovttasbargan singuin geat leat ráhkadan basseaŋgga gávdnandihte čovdosa. Divodanbarggut leat dál plánejuvvon gárvánit geassemánu 16. beaivvi 2025 rádjai, ja dan maŋŋá fertejit rusttegat geahččaluvvot. Vuojadanbáiki lea gárvvis váldot atnui skuvlaálgima rájes čakčat 2025.

Guovdageainnu skuvlla vuojadandiimmut eai leat čađahuvvon giddejuvvon vuojadanbáikki geažil. Oahppoplánas eai leat dárkilis gáibádusat vuojadandiimmuid mearrái vuođđoskuvlaohppiide, muhto ávžžuhuvvo ahte 1.-4. luohká áigge galgá ohppiin leamaš unnimus 60 diimmu vuojadanoahpahus. Min suohkanis leat plánen 1 diimmu vahkus buot luohkáide, ja mii doaivut ahte dát šaddá čoavddus čavčča rájes fas. Oahppoplánas leat biddjon muhtin gáibádusat ohppiid vuodjandáidui 1.-4. luohkáin, dáid šaddá vejolaš ollašuhttit čavčča rájes.

Máze skuvlla vuojadanbáikkis leat eará ja stuorát boasttuvuođat, ja doppe lea maiddái dan mađe boares basseaŋga ahte dat iešalddis mielddisbuktá ollu fuolahasdárbbu. Dás dahkko vuđolaš iskkadeapmi váldokonstrukšuvnnas ja eará osiin. Dat lea eahpesihkar sáhttá go dán divvut nu ahte vuojadanbáiki fas deavdá buot gáibádusaid almma ahte máksá hirbmat ollu dahkat dan. Lea hástaleaddji oažžut osiid basseŋgii ja divodangolut šaddet stuorrát. Máze skuvlla oahppit leat ožžon vuodjanoahpahusa áigodagaid mielde basseaŋŋas Álttás. Dát čoavddus joatkašuvvá dassážii go čielgá maid Máze vuojadanbáikkiin galgá dáhkkot.