Ráhkis nuorat,

Dii lehpet čállán historjjá. Roahkkatvuođain, fámuin ja gievrras dáhtuin lehpet bealuštan olmmošvuoigatvuođaid, luonddu ja min álbmoga vuoigatvuođa ahte vuhtiiváldot. Fovse-ášši lea čuohcan máŋgasiidda. Mii leat hui giitevaččat ja rámis dainna ahte Guovdageainnu ja eará guovllu nuorat leat nu čielgasit, ja nu áŋgirit bargan loktet dán ášši.

Miellačájáhusat, earret eará Stuorradikki ovddabealde, ja áŋgirvuohta maid lehpet čájehan, lea duođaid bidjan fuomášumi dán dehálaš áššái. Alimusriekti lea dál cealkán ahte dii ehpet sáhte ráŋggáštuvvot ráfálaš akšuvnnaid dihte. Dát lea dehálaš juridihkalaš ja morálalaš vuoitu, ii dušše didjiide geat searvvaidet, muhto sámi álbmogii - ja demokratiijai.

Dii lehpet čájehan áŋgiruššama ja fámu ráfálaččat ja gutnálaččat, árvvuiguin mat leat nannosat sámi servodagas. Guovdageainnu sátnejođiheaddjin háliidan giitit din go lehpet váldán ovddasvástádusa, atnán iežade jiena, ja muittuhan sihke Norgga ja máilmmi ahte álgoálbmotvuoigatvuođat fertejit duođas vuhtiiváldot.

Sámmol Ánte, Guovdageainnu suohkana sátnejođiheaddji