Dáppe ožžot gründárat ja smávit fitnodagat ee. Guovdageainnus vejolašvuođa háhkat sihke kapitála, máhtu ja fierpmádaga – ja buot dain lea báikkálaš eaiggátvuohta.

Sápmi Invest sáhttá searvat dáinna lágiin:

• Investeremiid ru 100 000,- rájes gitta ru 1 000 000,- rádjai

• addit buriid rávvagiid ja vásáhusaid olbmuin geat leat ieža vuođđudan fitnodagaid

• don sáhtát oažžut ávkkálaš oktavuođaid ja ovttasbargoguimmiid

• sáhtát oažžut praktihkalaš veahki doibmii, rekrutteremii ja ekonomiijii.

Mihttomearri lea álki: Ásahit eanet nanu, gánnáhahtti ja ceavzilis fitnodagaid min guovllus.

Loga eambbo ja váldde oktavuođa Sápmi Invest neahttasiiddu bokte.