Rievdadusat ekonomiija- ja bálkávuogádagas

Guovdageainnu suohkan lea rievdadeame ekonomiija- ja bálkávuogádaga, ja leat sirdime balvačovdosii.

Guovdageainnu suohkan lea 02.05.2024 rájes molson “ERP kommune” vuogádahkii, mii lea ovddeš ekonomiija- ja bálkávuogádaga balvačoavddus. 

ERP kommune váldá badjelasas čovdosiid mátkerehkegiidda, diibmolisttuide, bálkádieđuide ja sullasaččaide. Bargit, álbmotválljejuvvon áirasat, mearreáigásašvirggehasat ja earát geat ožžot bálkká dahje buhtadusa Guovdageainnu suohkanis, fertejit ráhkkanit atnit dán vuogádaga dahje eará digitála reaidduid maid suohkan atná. Diibmolisttut, mátkerehkegat ja eará čovdosat báberhámis heaittihuvvojit 2024 vuosttaš jahkebealis.

It go leat ožžon rehkega?

Guovdageainnu suohkan lea maŋŋonan rehket sáddemiin, dat guoská sihke mánnosaš ja kvartálalaš suohkan divadiidda ja loanaide. Sivva maŋŋoneapmái lea go leat sirdán ekonomiijavuogádaga ođđa balvačovdosii. Rehkegat sáddejuvvojit geassemánu mielde ja máksináigemearri sirdojuvvo. 

Mii šállošit vejolaš hehttehusaid dát sáhttá mielddisbuktit. 

Ođđa KID-nummár

Guovdageainnu suohkan lea ožžon ođđa KID-nummára suohkana rehkegiid máksimii dan geažil go leat sirdán ERP kommune balvačovdosii. 

Ođđa kontonummár máksimiidda KID-nummáriin lea 4930.16.23258.

Sirdima oktavuođas galget buot šiehtadusmáksimat (avtalegiro) leat konverterejuvvon ođđa KID-nummárii, muhto soitet dađibahábut šaddat muhtin boasttuvuođat. Jus máksin šiehtadusmáksimiin ii doaimma, de ávžžuhit ođđasit ásahit šiehtadusmáksima dahje váldit oktavuođa iežat báŋkkuin. 

Mii šállošit vejolaš hehttehusaid dát sáhttá mielddisbuktit.