Juohke bearjadat eahket mii rahpat uvssaid Báktehárjái ja bovdet mánáid ja nuoraid deaivvadit, leat aktiivvalaččat ja leahkit ovttas olbmáiguin.

Rabas hálla lea nuvttá fálaldat mas ii dárbbaš almmuhit iežas ovdagihtii. Ii leat organiserejuvvon hárjehallan ii ge fásta prográmma. Sii geat bohtet, besset ieža mearridit maid sii háliidit dahkat – spáppain stoahkat, lihkadit dahje dušše ovttastallat. Olles eahkeda leat rávisolbmot hállas.

Rabas hálla lágiduvvo juohke bearjadaga dii. 19:00-23:00 Báktehárjis. Fálaldat lea buot ahkásaš mánáide ja nuoraide, ja váhnemat leat maid buresboahtin.

Rabas hálla lea oassi suohkana álbmotdearvvašvuođabarggus Oadjebas Guovdageainnus, mas lea dehálaš mihttun háhkat eanet oadjebas ja fátmmasteaddji deaivvadanbáikkiid mánáide ja nuoraide Guovdageainnus.

Fálaldat čađahuvvo ovttas Guovdageainnu ILain.

Mii sávvat ollugat fitnet Báktehárjjis - bures boahtin Rabas hállai!