Disdaga 10.03.2026 dii. 16:30-19:30 lágida Sámi Ealáhusgárdi nuvttá álggaheaddjikurssa fitnodatálggaheddjiide Guovdageainnus. Kurssas don oahpat fágalaččat movt don boađát bures johtui álggahit dahje ovdánahttit iežat fitnodaga.

Kursa maŋŋá don:

• Leat ožžon ipmárdusa das movt fitnodat sáhttá álggahuvvot dahje viidáset ovddiduvvot fitnodatmodealla geavahemiin
• Leat beassan oahpásmuvvat AI praktihkalaš geavaheapmái mii sáhttá veahkehit du beaivválaš doaimmain
• Leat analyseren iežat fitnodaga, kárten du golbma stuorimus hástalusa ja ráhkadan fitnodatmodealla
• Leat ráhkadan doaibmaplána čoavdit du golbma stuorimus hástalusa
• Dieđát geainna sáhttá váldit oktavuođa oažžut rávvagiid ja bagadallama, ja gos sáhttá viežžat kapitála iežas álggaheapmái dahje ovddideapmái.

Mii fállat eaŋkilis borramuša ja juhkosa kursas.

Kursa lágiduvvo fysalaččat Sámi Ealáhusgárddis, LES-viesus 2. gearddis.

Dieđit iežat kursii dán dieđihanskovis

Bures boahtin!

Jus leat jearaldagat váldde oktavuođa Tor Erik Sombyn, tlf. 45375999.