NAV vuoruha máksit ruđa dan sullii 12 000 geat leat beaiveruđa ohcan Romssa ja Finnmárkku fylkkas dán maŋemus guokte vahku.

11 041 sis leat bággovirgelobis ja lea vuoigatvuohta oažžut olles bálkká dan 20 vuosttaš beaivvi maŋŋel baggovirgelobi. NAV lea bargame oažžut sadjái čovdosa máksimiidda dán áigodaga, muhto lea vel bargu njuolggadusaiguin ja teknihkalaš čovdosiin ovdal go dát lea gearggus. Ovdal go dát lea sajis, lea ráhkaduvvon čoavddus sin váste geat leat bággovirgelobis ja barggu haga, gos sáhttet ohcat beaiveruđa máksojuvvot ovdagihtii.

Sus áiggut ovdagihtiimávssu, fertet:

• Ohcan beaiveruđa
• Deavdit vuođđudeaddji gáibádusaid beaiveruđa vuoigatvuođain
• Ohcat ovdagihtiimávssu

Ovdagihtiimáksu lea juste vuollelis dan máid NAV meroštallá du oažžut beaiveruhtan. Eatnasiidda lea dat sullii 60 proseantta das mii lea bálkán leamaš 6G rádjái. NAV máksá ovdagihtii ollislaš árvvoštallama haga leat go buot eavttut oažžut beaiveruđa devdojuvvon. Dat mearkkaša ahte eatnasat ožžot veahá unnit ovdagihtii go dan man ožžot beaiveruhtan. Dat máksojuvvo fas maŋŋil.

Sii geat dáhttot ovdagihtiimáksima ovdal cuoŋománu 3. beaivvi ožžot ruđa kontui ovdal cuoŋománu 8. beaivvi (gaskavahku ovdal beassážiid).

Ovdagihtiimávssu ozat nav.no siidduin.