Juovllat sáhttet leat máŋgasii lossas áigi go leat stuorra vuordámušat borramuššii, skeaŋkkaide- ja sosiála deaivvademiide. Muhtumiidda sáhttet maiddái juovllat mielddisbuktit lassi vuorjašumiid ja ekonomalaš hástalusaid, erenoamážit otná haddegoargŋuma geažil.

Nav Ávjovárri ipmirda ahte dát sáhttá leat lossa áigodat, ja mii fállat doarjaga, dieđuid ja bagadallama sidjiide geat dan dárbbašit. 

Lea vejolaš ohcat ekonomalaš sosiálaveahki geahpedan dihte goluid mat gusket juovlaávvudemiide. Mii árvvoštallat doarjaga du dárbbuid ja dili vuođul.

Don sáhtat ohcat ekonomalaš doarjaga:

• Gokčat goluid vai mánát ja nuorat besset ávvudit juovllaid.
• Juovlabuđaldemiide gos mánát ja nuorat sáhttet oassálastit, dego skuvladoaluide, dahje eara priváhta dahje eaktodáhtolaš doaluide. 
• Olggosgolut juovlaborramušaide-, skeaŋkkaide- dahje eará golut mat gusket juovlaávvudeapmai.

Don sáhtat ohcat doarjaga:

• Digitálalaččat: Sádde digitálá ohcama Nav neahttasiiddus: Søknad om økonomisk sosialhjelp - nav.no
• Nav kantuvrras: Fina Kárášjoga dahje Guovdageainnu kantuvrras gos Nav-bagadeaddji veahkeha du sáddet ohcama. Nav Ávjovárri oktavuohtadieđut ja rahpanáiggit

Lea go heahti ja dárbbašat veahki jođanit?

Jus leat heahtedilis ja dárbbašat veahki johtilit, de sáhtát riŋget telefon nummárii: 40 48 78 30.
Nav lea olámuttus dán telefovnna bokte mánnodagas/vuossárggas bearjadahkii gaskkal dii. 09:00-15:00.

Juovlamánu 24.b. lea heahtetelefovdna rabas gaskkal dii. 09:00-12:00, basiidgaskka dii. 10:00-15:00, ja 31.b. dii. 10:00-12:00.