Oahppu lea komprimerejuvvon ja heivehuvvon bargoohcci dievdoolbmuide gaskal 25 ja 55 jagi. Oasseváldit gohčoduvvojit dearvvašvuođarekruhttan ja oahpu vuolde ožžot gaskaneaset NAV addosa ja bálkká suohkanis.
Dieđiheapmi diehtojuohkinčoahkkimii
Geavat vejolašvuođa searvat čanatkeahtes diehtojuohkinčoahkkimii. Dieđiheapmi dahkko gulahallama bokte du NAV-bagadalliin. Diehtojuohkinčoahkkimis muitaluvvo oahpu, ekonomiija ja bargovejolašvuođaid birra. Ovddeš joavkkuid dearvvašvuođarekruhtat leat maid doppe. Sii háliidit juogadit iežaset vásáhusaid ja rávvagiid.
Jearahallan ja geahččal bargat
Jus diehtojuohkinčoahkkima maŋŋel háliida searvat " Menn i helse " - searvái, de bovdejuvvo jearahallamii. Maŋŋel jearahallama fállojuvvo heivvolaš oasseváldiide geain lea bargomokta vejolašvuođa šaddat dearvvašvuođarekruhttan ja searvat 12 vahku geahččalanáigodahkii.
Geassebargu ja oahppu mas fágareive
Maŋŋil geahččalanáigodaga fállojuvvo geassebargu ja viidáset oahppu ovdalgo oažžu fágareivve dearvvašvuođafágabargin.
Leatgo don min boahtte dievdu? Geavat vejolašvuođa!
Dovddat go ovttage gii ánssáša dán vejolašvuođa? Cavgil sutnje “Menn i helse” birra!
Fylkkakoordináhtor
Leatgo dus gažaldagat “Menn i helse” birra?
Váldde oktavuođa fylkkakoordináhtoriin Grethe Rasmussenin telefovnnas 91541467 dahje e-poasttas grethe@mennihelse.no
Geahča “Menn i helse” birra ruovttusiiddus: www.mennihelse.no
Čuovo min guvllolaš Facebooksiiddu