Mii lea Guovdageainnu stuorámus givrodat? Guđe hástalusaid fertet čoavdit? Mii dagaha ahte eanet háliidit ásaiduvvat, bargat ja álggahit fitnodaga Guovdageainnus? Vástádusat leat dehálaš oassi ođđa ealáhusplána diehtovuođus. 

Suohkan ávžžuha buot geat háliidit váikkuhit Guovdageainnu ovdáneapmái servet guorahallamii ja juogadit iežaset oaiviliid boahtteáiggi ealáhuseallima ja servodaga birra. 

Oassálaste jearahallamii dáppe: Mii lea du mielas dehálaš boahtteáiggi Guovdageidnui?