Buot suohkana bargiin galgá oadjebas ja dohkálaš bargobiras gos besset čađahit iežaset bargguid almmá dovdat nihttojuvvon goddot, beroškeahttá makkár áššiiguin barget. 

Dan dihte ávžžuha bargoaddi Guovdageainnu álbmoga jurdilit maid sii juhket ja liikojit sosiála mediain. Mii muittuhit ahte min bargit barget láhkageatnegahtton bargguid mánáidsuodjalusas, ja ahte sii leat máid priváhtaolbmot gos dakkár cielaheamit ja áitagat, mat leat ilbman dan maŋemus áiggi, čuhcet sidjiide ja sin bearrašii.

Mánáidsuodjalus bargá dehálaš ja lossa barggu ollu mánáid ovddas Norggas, mo livčče sin eallindilálašvuohta mánáidsuodjalusa veahki haga. Mis lea buorre systema Norggas gos bearrašat ja mánát hearkkes dilis ožžot veahki váttis dilálašvuođain.

Mii fertet muitit ahte juohke áššis leat máŋga beali, ja dat ollislaš duohtavuohta hárve boahtá ovdán sosiála mediain. Mii ávžžuhit ahte Guovdageainnu servodat ii čuovvol profeššunealla mánáidsuodjalusvuosttildeaddjiid geain leat iežaset beroštumit bilkidit ja billistit Norgga mánáidsuodjalusa. 

Bargoaddi háliida dákko bokte čájehit doarjaga ja beroštumi iežas bargiide mánáidsuodjalusas.

Suohkandirektevra