Dát vahku lea dan birra movt mii - sihke ovttaskas olmmožin ja báikkálaš servodagain - sáhttit buorebut ráhkkanit jus juoga vuorddekeahttá dáhpáhuvvá.

Manne ieš-gearggusvuohta?

Árgabeaivvis mii váldit eanas áššiid diehttelassan: elrávdnji, čáhci, interneahtta, borramuš rámbuvrrain ja gálvo- ja olmmoš fievrrideapmi mii doaibmá.

Muhto jus dáhpáhus deaivida - ovdamearkka dihte elrávdnji mii jávká, garra dálkki dahje gulahallan jávká - de lea ovdamunni leat ráhkkanan bures.

Loga Siviilasuodjalus- ja gearggusvuođadirektoráhta (DSB) siiduin dán vahkku birra. 

Dán jagáš fáddá: oktasaš ieš-gearggusvuohta

Dán jagáš áŋgirdeamis lea sáhka das movt mii sáhttit veahkehit nubbi nuppi go juoga dáhpáhuvvá.

DSB ávžžuha buohkaid gávdnat gearggusvuođaolbmá - soapmása geainna sáhtát ovttasbargat, juogadit máhtu ja rusttegiid, ja doarjaga addit nubbi nubbai heahtedilis.

Ná sáhtát váikkuhit Norgga gearggusvuhtii

• Ráhkat álkes plána dutnje ja du lagamuččaide.

• Ordnet alccet unna rájoža mas lea čáhci, borramuš ja dárbbašlaš diŋggat mat bistet unnimusat vahku.

• Huma bearrašiin, ránnjáiguin dahje olbmáiguin dan birra movt sáhttibehtet veahkehit nubbi nuppi.

• Čuovo mielde suohkana dieđihan- ja diehtojuohkinbálvalusaid.

• Dáin siidduin DSB muitala ieš-gearggusvuođa birra

Geaggusvuođaolbmat sáhttet veahkehit fuolain, doarjagiin ja geavatlaš bargguin.  DSB plákahtain čilge vuohkkasit dan birra (PDF, 3 MB). 

DSB ávžžuha ovttasbargat gearggusvuođa ja veahki ektui roasuid oktavuođas. DSB plákahtta: Háliidat go šaddat mu gearggusvuođaolmmái? (PDF, 2 MB)

Váikkut Norgga gearggusvuhtii. DSB plákahtta: Norgga eiseválddit rávvejit ge nu ollugiid go vejolaš ráhkkanit birget unnimus ovtta vahkku veahki haga. (PDF, 6 MB)

Ovttas mii leat gievrrat

Buorre gearggusvuohta álgá ruovttuin - muhto nanosmuvvá go mii veahkehit nubbi nuppi. Ane dán vahku ráhkkanit veahá buorebut, ja huma áinnas ránnjáin dahje olbmáin dán birra. Dát addá dorvvu dutnje, du lagamuččaide - ja olles báikkálaš servodahkii.