Muhtin bearrašat dárbbašit lassi doarjaga iežaset árgabeaivái. Guossástallanruoktu sáhttá leat buorre resursa – sihke mánnái/nurrii ja bearrašii.

Mánáidsuodjalus ohcá dál eanet guossástallanruovttuid suohkanis. Guossástallanruoktu vuostáiváldá máná/nuora ovtta dahje máŋga vahkkoloahpa mánnui. Na oažžu mánná/nuorra ođđa vásáhusaid ja birasrievdadeapmi dorvvolaš rávisolbmuiguin.

Guossástállanruoktu lea vuosttažettiin dan váste vai mánná/nuorra oažžu buriid vásáhusaid ja árgabeairievdama, seammás go váhnemat ožžot veahá veahki.

Ii leat dárbu leat "earenoamáš" jus galgá šaddat guossástallanruoktun. Deháleamos lea ahte lea áigi ja beroštupmi mánnái/nurrii – ovdamearkka dihte tuvrrat, vásáhusat dahje dušše servvoštallat ruovttus.

Guossástallanruoktun sáhttá leat ovttaskas olmmoš, bárat dahje bearrašat - geain leat dahje eai leat iežaset mánát/nuorat. Mánáidsuodjalusbálvalus addá čuovvoleami ja neavvuma guossástallanruktui, ja maiddái buhtadusa suohkana máksomeriid ektui.

Vahkkoloahppa duollet dalle sáhttá mearkkašit ollu - sihke mánnái/nurrii ja bearrašii.

Sáhttá go dá leat juoga dutnje dahje soapmásii gean don dovddat?
Váldde áinnas oktavuođa mánáidsuodjalusbálvalusain jus háliidat eambbo dieđuid.

Váldde oktavuođa:
Monika Holmen Hætta
Mánáidsuodjaluskonsuleanta
Tlf. 403 49 339
E-poastta: monika.haetta@kautokeino.kommune.no