Kulturskuvla álggaha koara dunnje gii leat nuorra dahje nuorra rávisolmmoš ja háliidat sosiálalaš ja musihkalaš fálaldaga. Dáppe mii galgat oahpásnuvvat ja ovdánahttit min iežamet lávlunjienaid, oahpásnuvvat eará lávlunberošteddjiide ja suohtastallat fárrolaga. 

Mii lávlut máŋggabealálaš repertoára, bargat lávlunteknihkain, ovttasčuojahemiin, ovdanbuktinvugiin dorvvolaš birrasis. Don it dárbbaš leahkit hárjánan lávlu searvat dása. Boađe akto dahje olbmáin - mii dárbbašit buot jienaid. Mii čađahit daid guokte vuosttaš diimmuid dieđihemiid haga, de beasat geahččalit lea go dát juoga dunnje! 

Praktihkalaš dieđut 

Mii álgit: 4.2.2026 

Hárjehallamat: Gaskavahku 18:00-20:00 

Gos? Guovdageainnu kulturviesus (mii deaivvadit foajeas) 

Ulbmiljoavku: Nuorat (nuoraidskuvllaahkásaččat ja joatkkaskuvllaahkásaččat), studeanttat, nuorra rávisolbmot 

Dieđiheapmi: Mii čađahit guokte geahččalandiimmu dieđiheami haga. 

Koarraoahpáheaddji lea Inger Johanne Oskal. Son lea lávlu ja musihkkár guhte lea guhká bargan Guovdageainnus ja Sámis ja lea ovdal jođihan koaraid. Son lea vokalista Ánnasuolu nammasaš joavkkus ja lea maiddái lágideaddji Lounge Sápmi livekonseaptas, mii lea lágidan intiimakonsearttaid Guovdageainnus 2019 rájes. 

Oahpahangiella lea sihke sámegiella ja dárogiella. 

Bures boahtin koarai gos galgá leat buorre energiija, searvevuođadovdu ja lávlunmokta! 

Jus leat jearaldagat váldde oktavuođa nuoraidkoortinahtoriin Anthoni Hættain:  anthoni.haetta@kautokeino.kommune.no dahje 40 30 45 85