Jan Henry Keskitalo oažžui Bassi Olav gudnemearkka - Guovdageainnu suohkan
 
 

Jan Henry Keskitalo oažžui Bassi Olav gudnemearkka

Guovdageainnu suohkan lea rámis go Jan Henry Keskitalo lea nammaduvvon 1. luohká Riddárin Gonagaslaš Norgga St. Olav Ordenis su barggu ovddas sámi ja álgoálbmot oahpahusain

Almmuhuvvon 11.04.2026 23.02
Maŋemusat rievdaduvvon 11.04.2026 23.02

Nammadeami čalmmustahtte doaluin Sámi allaskuvllas bearjadaga cuoŋománu 10. beaivvi. Sátnejođiheaddji Anders S. Buljo lei mielde geigema oktavuođas.

Keskitalo lea guhkes eallima čađa leamaš guovddážis sámi oahpu ovdánahttimis, sihke báikkálaččat, nationálalaččat ja riikkaidgaskasaččat. Son lei earret eará mielde ásaheame Sámi allaskuvlla ja lei vuosttaš rektor doppe 1989is.

Bargguinis son lea leamaš mielde nanneme sámegiela ja máhtu, ja láhčán oahpahusfálaldagaid álgoálbmogiidda - maiddái ovttasbarggus servodagain eará guovlluin máilmmis.

Guovdageainnu suohkan sávvá lihku Jan Henry Keskitalo bálkkašumiin, ja giitá su dan dehálaš barggu ovddas maid son lea dahkan sámi servodaga ja oahpahusa ovddas.

Jan Henry Keskitalo viser fram diplomet som viser at han er mottaker Den Kongelige Norske St. Olavs Orden. Han har mørk kautokeinokofte på seg, i bakgrunnen svart sceneteppe - Deaddil ja stuora govva ihtáDiplom med teksten som viser at Jan Henry Keskitalo er utnevnt til Ridder 1. klasse av Den Kongelige Norske St. Olavs Orden - Deaddil ja stuora govva ihtá