Goas: Disdagaid diibmu 13:30 – 14:30

Gos: Báktehárjjis

Vuosttaš hárjehallan lea disdaga 23.03.2021
 

Dihtet go ahte hárjehallan sáhttá buoridit eallinkvalitehta, fysalaš doaimma, vuoimmehisvuođa (fatigue) ja balu (angst) sihke dalle go lea divššu vuolde ja maiddái maŋŋel go dikšu lea loahpahuvvon?

Mii deaivvadit okte vahkkus, geahppa hárjehallamii. Dá lea vuosttašceahkkefálaldat gos ulbmil lea boahtit johtui hárjehallamiin ja maiddái deaivat earaid geain lea sullásaš dilli. Hárjehallanvuogit heivejuvvojit nu ahte juohkehaš beassá ieš muddet man garrasit searvá. 

Mis leat máŋggalágan lihkadandoaimmat, lášmmohallan, spáppastallan, joavkohárjehallan ja gievrudáhttin. Maŋŋel hárjehallama lea kafea gos lea veahá guossoheapmi, ságastallan ja eará dieđut borasdávdakoordináhtora bealis.

Mii čuovvut Covid-19 doaibmabijuid. Jus dus leat nuorvomearkkat mii bivdit ahte it boađe hárjehallamii.

It dárbbaš dieđihit jus háliidat searvat.
Iežasoassemáksu lea 102 ruvnno fysioterapevttii, muđui lea nuvttá jus dus lea friddjagoarta.

Searvva don ge! 

Fysioterapevta Martin Persson ja borasdávdakoordináhtor Ellen Sara Pulk