Guovdageainnu suohkana gárrenmirko- ja psykiátralaš ossodat háliida álkkásmahttit oktavuođa váldima go dárbbaša soapmásiin humadit. Mii fállat rabas ja eahpeformála ságastallanfálaldaga - mii eat gáibit ahte diimmu diŋgot dahje čujuheami.
Minguin sáhtát hupmat dan birra mii váivvida du, stuoris dahje unni. Dat sáhttet ovdamearkka dihte leat:
- Lossa jurdagat, váivvit dahje ballu
- Streassa ja hástalusat árgabeaivvis
- Oktonasvuohta, moraš dahje váttis eallindilálašvuođat
- Hástalusat mat čatnasit gárrendillái
- Dárbbašuvvo doarjja, neavvu dahje muhtin gii beare guldala
Ii dárbbat leat diagnosa dahje diehtit juste masa háliida veahki.
Eai ge leat makkárge váttisvuođat mat leat menddo unnit ahte ii sáhte hupmat dan birra.
Áigi ja báiki:
📅Goas: Juohke duorastaga dii. 11.00-14.00
📍Gos: Guovdageainnu kulturviesus
📞Oktavuođa váldde: 918 29 130 dahje 932 95 682
Don it dárbbaš šiehtadit – lea beare boahtit Kulturvissui.
Sáhtát maiddái ovdagihtii sáddet dieđu midjiide jus dan háliidat.
Buohkat leat bures boahtin!
Mii háliidat leat olámuttos ja oadjebassan gos don sáhtát deaivvadit áddejumiin, árvvusatnimiin ja muhtin gii gullá du.
Fálaldaga lágida Guovdageainnu suohkana gárrenmirko- ja psykiátralaš ossodat.
Don it dárbbaš leat okto dainna mii lea váttis. Bures boahtin! 💙