Šiehtadus galgá váikkuhit buoret ovttasdoaibmama gaskkal suohkana ja Rukses Ruossa ovdal, dáhpáhusa vuolde ja maŋŋil heahtediliid ja sávakeahtes dáhpáhusaid. Ulbmil lea sihkkarastit čielga rollaid, buriid dieđihanrutiinnaid ja beaktilis resursageavaheami go veahkkedárbu čuožžila.

Šiehtadusa bokte sáhttá Rukses Ruossa veahkehit suohkana earret eará evakueren- ja oapmahašguovddáža (EPS) doaimmas, olbmuid divššus ja fuolaheamis geaidda ášši guoská, logistihkain ja dárbbašlaš gálvvuid olggosdoalvumiin, ja vel veahkehit psykososiála čuovvolemiin.

Šiehtadus čilge maiddái beliid gaskasaš ovddasvástádusjuogu. Suohkanis lea bajimus ovddasvástádus gearggusvuhtii ja heahtedillái, ja Rukses Ruossa fállá eaktodáhtolaš resurssaid ja gelbbolašvuođa dárbbu mielde

Oassin ovttasbarggus galget bealit searvat oktasaš hárjehallamiidda ja evalueret dáhpáhusaid nannen dihte gearggusvuođa áiggi vuollái. Šiehtadus galgá leat fámus golbma jagi ja galgá leat mielde addime oadjebasvuođa Guovdageainnu ássiide ja earáide geat fitnet dáppe.