Guovdageainnu suohkan váldán atnui "Innbyggerkontakt"

Guovdageainnu suohkan lea dál váldán atnui ođđa reaiddu man namma lea “Innbyggerkontakt”.

Ráhkis ássi Guovdageainnu suohkanis!

Guovdageainnu suohkan lea rámis go váldá atnui reaiddu mii dahká oktavuođa min ássiiguin jođáneabbon ja álkibun, dat lea ođđa vuohki gulahallat min ássiiguin. 

Mii atnit veahkkin dieđuid mat leat álbmotregistaris ja sáhttit dáinna lágiin addit mearrediđolaš dieđuid e-boasta bokte dihto joavkkuide álbmogis, dihto guovlluide dahje buot ássiide suohkanis. 

Vuosttaš olggossáddejupmi manai buot ássiide Guovdageainnu suohkanis, mii háliidit ahte buohkat galget diehtit dán ođđa vejolašvuođa birra máid mii leat váldán atnui dál. Dat mii maŋŋel sáddejuvvo heive eambbo dan vuostáiváldái geas lea atnu dieđuide, vai ii dárbbat oažžut e-boasttaid mas leat dieđut maidda ii soaitte leat atnu.  

Mii sávvat ahte dát vuohki juohkit dieđuid váldojuvvo bures vuosttá, buorre doarjjan diehtojuohkinkanálaide máid mii juo atnit, ovdamearkka dihte ruovttusiidu ja Facebook.

Ortnet lea álggahuvvon 2023 ođđajagimánus, ođđa jahki ođđa vejolašvuođaiguin.

 

Mii sávvat buohkaide buori ođđa jagi!
 

Govva Guovdageainnu márkanbáikkis mas iđđesroađđi duogábealde.  - Deaddil ja stuora govva ihtá