Ráđđi vuođđuduvvui čoahkkimis čakčamánu 16.b. 2025, maid sátnejođiheaddji Anders S. Buljo jođihii. Čoahkkimii serve suohkana, heahteetáhtaid, Siviilasuodjalusa, Ruovttusuodjalusa, Vissi, eaktodáhtolaš organisašuvnnaid ja Stáhtahálddašeaddji ovddasteaddjit.

Gearggusvuođaráđi ulbmil lea váikkuhit buori ovttasdoaibmama suohkana ja olggobeale gearggusvuođaaktevrraid gaskkas - ovdal, go áššit dáhpáhuvvet ja maŋŋil sávakeahtes dáhpáhusaid. Ráđis ii leat mearridanváldi, muhto galgá addit rávvagiid suohkandirektevrii ja sátnejođiheaddjái. Dat galgá earret eará digaštallat uhkádus- ja riskagovva, leahkit doarjjan go hárjehallamiid pláne ja daid čađaheami, ja veahkehit juohkit dieđuid ja koordineret go heahtedilli čuožžula.

Stádahálddašeaddji deattuhii čoahkkimis ahte gearggusvuođaráđit leat deaŧalaš arenat báikkálaš gearggusvuođa nannemii, ja ahte dat leat mielde hukseme servodagas vuostálastinfámu oktasaš dilálašvuođaipmárdusain, plánemin ja ovttasbarggu bokte.

Gearggusvuođaráđđi čoahkkana guktii jagis, ja vuosttaš dábálaš čoahkkin lea skábmamánu 13. b. 2025. Váldofáddán šaddá suohkana ollislaš riska- ja raššivuođaanalysa (ROS) ođasmahttin, mii galgá ovddiduvvot politihkalaš meannudeapmái njukčamánus 2026.