Guovdageainnu suohkan galgá čađahit dábálaš ođđasiidtákserema opmodatvearus
Guovdageainnu suohkan lea áššis KS 12/26 mearridan ahte galgá čađahuvvot ođđasiidtákseren opmodatvearus
Dát lea dábálaš ja lágas mearriduvvon opmodatvearrovuođu geahčadeapmi, mii opmodatvearolága § 8 A-3 nuppi lađđasa mielde galgá dahkkojuvvot unnimusat juohke 10. jagi.
Mii lea dábálaš ođđasiidtákseren?
Oppalaš ođđasiidtákseren mearkkaša ahte suohkan bidjá ođđa opmodatvearroproseanttaid buot vearrogeatnegáhtton opmodagaide suohkanis. Távsttat leat vuođđun opmodatvearu meroštallamii boahttevaš jagiid. Tákseren mearriduvvo oktasaš njuolggadusaid vuođul maid suohkan lea mearridan, ja galgá sihkkarastit:
- opmodagaid ovttadássásaš meannudeapmi
- ođasmahttojuvvon ja rievttes vearrovuođđu
- einnostahttivuohta ássiid
Mii lea opmodatvearrotáksta?
Opmodatvearrotáksta:
• lea sjablonaid vuođul árvvoštallan
• vuolggasadji lea objektiiva gaskamearálaš vuovdindienas
• ii leat seamma go márkanárvu dahje vuovdinárvu
• adno dušše vuođđun opmodatvearu merošteapmái.
Taksten fastsettes på bakgrunn av tilgjengelige opplysninger som blant annet areal, type bygg, beliggenhet og bruk.
Movt čađahuvvo tákseren?
Tákserema čađaha áššedovdi lávdegoddi maid suohkanstivra lea nammadan.
Nammagoddi geavaha mearriduvvon takserenrávvagiid ja vejolaš opmodatdieđuid.
Geahčadeapmi ii čađahuvvo buot opmodagain. Geahčadeapmi čađahuvvo dušše dalle go lea dárbu sihkkarastit rievttes távstta.
Goas almmuhuvvojit távsttat?
Go tákseren lea čađahuvvon, de:
- biddjojuvvojit távsttat almmolaš geahčadeapmái unnimusat 3 vahku
- ožžot guoskevaš opmodateaiggádat dieđuid iežaset távsttaid birra
- addojuvvo bagadus váidinvejolašvuođa birra
Almmolaš geahččama áigemearri almmuhuvvo suohkana neahttasiidduin ja dábálaš vuogi mielde.
Váidinvejolašvuohta
Opmodateaiggádin lea vejolašvuohta váidit:
- távstta
- feil i faktagrunnlaget (for eksempel tomt/bygg areal, type bygning ,regulering eller soneinndeling) boastut fáktavuođđu ( omd. tomta / viesu areála, huksenmálle, mudden dahje sonajuohku )
Váidináigemearri lea unnimusat guhtta vahku dan rájes go opmodatvearru lea čállojuvvon.
Váidalus galgá leat čálalaččat ja sáddejuvvot suohkanii. Váidalusaid meannuda vuos áššedovdi nammagoddi, ja vejolaččat viidáseappot áššedovdi váiddalávdegoddi.
Váiddameannudeami njuolggadusat čuvvot opmodatvearolága § 19 ja hálddašanlága kapihttala VI.
Goas bohtet ođđa távsttat fápmui?
Ođđa távsttat biddjojuvvojit vuođđun opmodatvearu olggosčáliheapmái 2027 rájes, ja galget gustot gitta boahtte dábálaš ođđasiidtákserema rádjái, mii dábálaččat lea 10 jagi geahčen.
Áigodagas sáhttá aŋkke táksta rievdaduvvot jus opmodahkii dahkkojuvvojit mearkkašahtti rievdadusat, ovdamearkka dihte ođđa visttit, viiddideamit dahje doaibmarievdadusat.
Eambbo dieđut
Ođasmahttojuvvon dieđut tákserema birra biddjojit:
Jus leat jearaldagat, váldde oktavuođa suohkana Opmodatvearrokantuvrrain.