Ovddos AS – Guovdageainnu nuppástuhttinorganisašuvdna

Lea go dus fitnodathutkkus ja dárbbašat fágalaš ja ekonomalaš doarjaga boahtit johtui, váldde oktavuođa Ovddosiin.

Ovddosis lea iežas ruovttusiidu gosa buot dieđut nuppástuhttinprográmma birra mannet. 

Ruovttusiiddus gávnnat gulahallandieđuid, dieđuid dan hárrái masa nuppástuhttinfoanda sáhttá juolludit ruđaid, makkár eavttut dasa leat, ja seammás ohcanskovit máid galgá atnit go ohcá doarjagiid.

Nuppástuhttinorganisašuvnna váldomihttomearit 2019 – 2025 leat

• Searvat ovdánahttit ja sihkkarastit bargosajiid
• Searvat oažžut ealáhusaid šaddat nannoseabbon
• Searvat loktet innovašuvdna- ja ovdánahttinmáhtu servodagas

Guovdageainnu árvovuođđu lea

• Gelbbolašvuohta jođiheamis
• Duostat digitaliserema ja innovašuvnna guvlui bargat
• Leat čohkkejeaddji
• Jurddašit guoddevaččat
• Ovdánahttit duostilit

Don sáhtát maiddai váldit oktavuođa suohkana álggankantuvrrain man Sápmi Ealáhusgárdin jođiha, sii sáhttet du veahkehit álggahit fitnodaga dahje doaimma ja fállet 4 diimmu nuvttá bagadallama. 

Eanet dieđuid gávnnat Sápmi ealáhusgárddi ruovttusiiddus..