Dát galgá leat mielde duohtandahkamin višuvnna; Oažžut Guovdageainnu dovddusin Sámis kulturguoddin ja dohkkehuvvot máilmmi eanemus autenttalaš álgoálbmotmátkeealáhussan. Dieđihanáigemearri lea: 29.05.2025, ja dá lea njuolggoliŋkka dieđiheapmái.

Seminára galgá movttiidahttit ođđa mátkeealáhusbuktagiid ovdánahttimii ja nannet ovttasdoaimma báikkálaš aktevrraid gaskka. Movttiidahttin sáhkavuoruid, vásáhusaid juogadeami ja digaštallama bokte besset oasseváldit oaidnit mo Guovdageaidnu sáhttá nannet čielgaset saji máŧkeealáhusa suorggis.

Ulbmiljoavku

Dát seminára lea heivehuvvon dutnje gii:

• Juo barggat mátkeealáhusain, báikkálaš borramušain, eanandoaluin, boazodoaluin, kultuvrrain dahje dujiin.
• Niehku álggahit iežat fitnodaga
• Leat gründar – ja háliidat inspirašuvnna ja praktihkalaš dieđuid
• Háliidat ovttasbargat eará aktevrraiguin ja oainnát árvvu ovttasbarggus
• Leat sáhkkit das movt dáidda, biebmu ja kultuvra sáhttet šaddat erenoamáš mátkeealáhusvásáhussan

Leat go don hárjánan fitnodatolmmoš, aitto álggahan – dahje jus dus dušše lea buorre fitnodatjurdda – de lea dát beaivi dutnje!

Deaivvat earáiguin geat hutket, jurddašit ođa jurdagiid ja beroštit Guovdageainnu ovdáneamis– ovttas mii sáhttit hukset boahtteáiggi mátkeealáhusa!

Eamppo dieđuid gávnnat Ovddosa neahttasiiddus.