Duorastaga golggotmánu 23. b. lágiduvvui vuosttaš gulahallančoahkkin gaskal ealáhusaid ja Guovdageainnu suohkana.

Ulbmil lea nannet suohkana ja ealáhusaktevrraid ovttasbarggu - ja ásahit fásta arena vásihusaid lonohallamii ja oktasaš ovddidanbargui.

Čoahkkimis muitaluvvui nuppástuhttinprográmma Ovddos, suohkana ealáhusfoandda, plánejuvvon ealáhustomttaid ja Sápmi Ealáhusgárddi fálaldagaid birra fitnodagaide.

Oassálastit bukte ollu konstruktiiva evttohusaid das movt gulahallama ja ealáhusbarggu sáhttá ovddidit viidáseappot.

Suohkan pláne dál eambbo gulahallančoahkkimiid ovddasguvlui, vai ovttasbargu ja diehtojuohkin sáhttá joatkit bissovaš oassin ealáhusbarggus Guovdageainnus.

Loga olles čoahkkinreferáhta (dárogilli) dás. (PDF, 172 kB)