Guovdageainnu suohkan joatká dán jagi ge ortnega mii fállá geassebarggu nuoraide.
Ortnet mearkkaša ahte:
- nuorat sáhttet oažžut geassebarggu suohkanis dahje báikkálaš fitnodagain
- fitnodagat sáhttet oažžut bálkádoarjaga go fállet nuoraid geassebarggu
Ohcanáigemearri: 26.05.2026
Nuorat, háliidehpet go geassebarggu?
Don gii leat gaskal 16 ja 19 jagi sáhtát ohcat geassebarggu.
Ortnet guoská vuosttažettiin nuoraide geat leat oahpu váldimin.
Don sáhtát oažžut barggu:
- Guovdageainnu suohkanis
- dahje báikkálaš fitnodagain
Maid fertet sáddet sisa?
Ohcamušas galgá leat mielde:
- namma, čujuhus ja riegádanbeaivi
- e-poastačujuhus ja telefonnummar
Lea maid ovdamunnin čállit veahá:
- oahpu birra
- ovdalaš bargohárjáneami
- beroštumiid
Muitte almmuhit:
- makkár barggu don háliidivččet?
- makkár áigodaga sáhtát bargat
Jus leat ollu ohccit, de juogaduvvojit virggit vuorbádeami bokte.
Ná don ozat:
Deavddát dán elektrovnnalaš ohcanskovvi: Geassebargu nuoraide
Fitnodagat, dárbašehtet go dii geassebargi?
Fitnodagat sáhttet dán ortnega bokte oažžut doarjaga nuoraide fállat geassebarggu.
Maid suohkan fállá didjiide?
- doarjja gitta ru. 8 000,- rádjai
- gokčat gitta 50% bálkágoluin
- doarjja juolluduvvo ovtta nurrii
Dehálaš:
- iežas mánáide ii sáhte oažžut doarjaga
- lea suohkan gii juohká nuoraid fitnodagaide
- jus hilggut ovtta juolluduvvon nuora, de it oaččo fálaldaga eará nuoras
Doarjaga eavttut:
Ovdal go doarjja mákso, de ferte fitnodat sáddet sisa:
- bargošiehtadusa
- duođaštusa ahte bálká lea mákson
Ná ohcá fitnodat; sádde oanehis ohcama mas:
- čilgejuvvo makkár bargu lea
- áigodat goas bargi dárbbašuvvo
- ja jus leat gáibádusat makkár bargovásáhus nuoras galggašii
Ohcanskovvi:
Elektrovnnalaš ohcanskovvi: Geassebargái doarjjaohcan