Geassebargu nuoraide 2022

Guovdageainnu suohkan fállá dán ortnega maiddai dán geassái.
Ávžžuhit nuoraid ohcat barggu ja bargoaddiid ohcat bálkádoarjaga.
Ohcanáigemearri lea 16.05.22, dii. 12:00.

Geassebargu nuoraide

Guovdageainnu suohkan almmuha geassebarggu nuoraide gaskkal 15 ja 20 jagi. Doaibma guoská vuosttažettiin nuoraide geat leat oahpu váldimin. 

Ohcamis ferte leat namma, adreassa, riegádandáhton, e-boastaadreassa ja telefovdnanummár. Dieđut oahpu, bargovásáhusaid ja beroštumiid birra lea ovdamunni. Čále makkár suorgi dahje makkár bargu dutnje heivešii, ja makkár áigodaga háliidat bargat.  

Jus leat olu ohccit, juhkkojuvvojit bargosajit vuorbegeassima bokte.

Ohcanskovvi (PDF, 99 kB)
(Raba, deavdde, vurke ja sádde suohkana váldočujuhussii:
 e-post@kautokeino.kommune.no)

 

Dahje deavdde dán elektrovnnalaš skovi: Ohcan geassebarggu

 

FITNODAGAT - Dárbbašehpet go geassebargi?

Guovdageainnu suohkan almmuha geassebargguid nuoraide gaskal 15 ja 20 jagi. Dan oktavuođas sáhttet nuorat barggu oažžut ja fitnodagat ožžot dasa bálkádoarjaga.

Bálkádoarjja lea 7 500,- ruvnno rádjái (gitta 50% bálkágoluin) ja čadno nammaduvvon nuora bálkáheapmái. Ii sáhte doarjaga iežas mánáide oažžut. Lea suohkan mii juohká nuoraide fitnodagaid. Namuhuvvo ahte jus fitnodagas / bargoaddis lea nuorra gean háliida bargui, de sáhttá  ohcamii čállit su nama, muhto jus dat nuorra ii gesso, oažžu fitnodat / bargoaddi fálaldaga eará nuora váldit bargui. 

Ovdal go fitnodat / bargoaddi oažžu bálkádoarjaga máksot, ferte suohkan oažžut čuovvovaš dieđuid:

  • Bargošiehtadus
  • Guite bálkádoarjaga mávssus dahje báŋkobilága mii čájeha ahte geassebargi lea ožžon máksot bálkká  

Lea go dát miellagiddevaš du fitnodahkii? Čáles oanehis ohcamuša, mas boahtá ovdan makkár barggut dus leat ja áigodaga goas dárbbašat veahki. Jus bargi dárbbaša sierralágan bargohárjáneami, namut dan maiddai.

Ohcanskovvi (PDF, 100 kB)
(Raba, deavdde, vurke ja sádde suohkana váldočujuhussii:
 e-post@kautokeino.kommune.no)

 

Dahje deavdde dán elektrovnnalaš skovi: Ohcan bálkádoarjaga - geassebargi

 

Ohcanáigemearri lea miessemánu 16. beaivvi 2022 dii. 12:00

Ohcan sáddejuvvo:     e-post@kautokeino.kommune.no

dahje                             Guovdageainnu suohkan
                                       Bredbuktnesveien 6
                                       9522 Kautokeino