Buoremus vuohki váldit oktavuođa suohkanin lea boastavuostáiváldima bokte, vai sihkkarastit jođánis ja luohtehahtti vástádusa.

Buoridit gulahallama álbmoga ja suohkana gaskka

Dát lea ávžžuhus vai buoridit gulahallama suohkana ja álbmoga gaskka. Go sáddet buot oktavuođaváldima boastavuostáiváldima bokte, de sihkkarastit ahte ii oktage oktavuođaváldin láhppo iige šatta vástitkeahttá. Dát lea earenoamáš dehálaš go guoská sihkkarastit vástádusa vaikko vel áššemeannudeaddji ii leat barggus, ovdamearkka dihte jus lea luomus, buozas dahje eará sivaid geažil lea eret barggus.

Jus válddát oktavuođa njuolga áššemeannudeddjiin sáhttá dagahit ahte vástádus maŋŋona, earenoamážit jus áššemeannudeaddji ii leat olámuttos. Go anát boastavuostáiváldima, de oktavuođaváldin gieđahallo beaivválaččat ja sáddejuvvo viidáset rievttes ovttadahkii sorjjasmeahttun vejolaš jávkamis.

Jus leat jearaldagat, vuorjašumit, gulaskuddamat dahje ruovttoluottadiehtu Guovdageainnu suohkanii, de muitte sáddet dan boastavuostáiváldimii e-boasta čujuhussii: e-post@kautokeino.kommune.no

Dáinna lágiin sáhtát leat sihkar ahte oaččot dan veahki maid dárbbašat, dárbbašmeahttun maŋŋonemiin dahje boasttuipmárdusain. 

Ovttas mii sáhttit váikkuhit nu ahte gulahallan šaddá beaktilabbot ja váttisvuođaid haga.