Guovdageainnu suohkana ealáhusfoanda lea dehálaš gaskaoapmi báikkálaš ealáhusovddideamis. Foanda galgá leat mielde ovddideamen máŋggabealálaš ja gilvonávccalaš ealáhuseallima suohkanis. Foanda sáhttá earret eará doarjut  ásahemiide, innovašuvnnaide, ovdaguorahallamiid ja ovdaprošeavttaide, investeremiid ja gealboloktema.

Sihke ásahuvvon fitnodagat, álggaheaddjit ja eará aktevrrat mat leat mielde láhčimin ealáhusovddideami suohkanis, sáhttet ohcat doarjaga. Ohcamat árvvoštallojuvvojit gustovaš njuolggadusaid ektui earret eará báikkálaš árvoháhkama, bargosajiid ektui ja realismma prošeaktaplánas.

Ohcan galgá sáddejuvvot digitálalaččat ja das galgá leat prošeaktačilgehus, bušeahtta, áigerámma ja ruhtadanplána. Suohkan ávžžuha vejolaš ohcciid álggahit barggu ohcamušain buori áiggis ovdal áigemeari.

Sii geat háliidit bagadallama prošeaktaovddideapmái dahje ohcama ektui  sáhttet váldit oktavuođa Sápmi ealáhusgárddiin. Sii sáhttet earret eará veahkehit ovddidit prošeavtta ja hábmet čielga ja vuđolaččat hábmejuvvon ohcama.

Ohcanáigemearri: Čakčamánu 6. beaivvi 2026

Loga eanet ealáhusfoandda, njuolggadusaid ja movt ozat dáin siidduin.