Mii álggahit vuosttašceahke ságastallan fálaldaga dutnje gii dárbbašat soapmása geainna beasat humadit.

Jus ovdamearkka dihte dus leat hástalusat oahpu ja barggu dáfus, oktovuođas, biepmus, bearašdilis, iešáddejumis, seksualitehtas, áitagiin, riidduin ja eará áššiin. 

Fálaldat lea nuvttá ja dan lea álki fidnet. Ii dárbbaš čujuhusa dahje ohcamuša beassat sisa, ja mis geat dáppe bargat lea jávohisvuođageatnegasvuohta. Joavkkus leat mielde iešguđet lágan olbmot geain lea dearvvašvuođa- ja sosiálafágalaš duogáš ja vásihusat bargguin psyhkalaš dearvvašvuođain ja eallinhálddašemiin.

Geat: Nuoraid ja nuorra rávisolbmuid várás 15-30 jagi

Goas: Guovvamánu 12. b. rájes juohke duorastaga dii. 09.00-14.00

Mii ávžžuhit ahte dii šiehttabehtet diimmu unnimusat beaivvi ovdal (sms/riŋgen), dii. 09.00, 10.00, 11.00, 12.00 dahje 13.00 (vai ehpet šatta menddo ollu olbmot oktanaga).

Tlf.: 932 95 682

Gos: Kulturviesus