Buollineastadeami láhkaásahusa vuođul lea áigodagas cuoŋománu 15. beaivve - čakčamánu 15. beaivve rádjái oppalaš buollin gielddus. Buot boaldimiidda dán áigodagas ferte dábálaččat suohkanis ohcat lobi. 

Mihcamáreahkeda addojuvvo goitge dákko bakte oppalaš lohpi ráhkadit mihcamárdola Guovdageainnu suohkanis. 

Muhto muitte čuovvovačča: 

• Gieđahala dola respeavttain. 
• Don sáhtát guoddit ovddasvástádusa jus dolla bulleha eatnama. 
• Ale boaldde eará go buhtes ja ráinnas (eai leat vuidon) muoraid/suinniid - ja dušše daid! 
• Geahččal bidjat árrana dakko gokko dus lea kontrolla. 
• Muitte eanaeaiggáda lobi. 
• Fuolahit ahte jáddadanrusttegat leat olámuttos. 
• Fertet dađistaga árvvoštallat sáhttetgo dálkkádagat dagahit váttisvuođaid, sihke dan ektui movt dolla sáhttá leavvat ja suovvavahágiid ektui. 
• Don galggat ieš, dahje oažžut muhtin eará fáktet buollima, geas lea bearráigeahčču boaldimis ja gii ii leat atnán gárrenmirkkuid. 
• Dárkkis ahte dolla lea albma ládje jáddan go dolasteapmi lea loahpahuvvon. 

Guovdageainnu suohkan sávvá buohkaide buori ja oadjebas mihcamárat ávvudeami. 

Čájet dolla-jierpmálašvuođa!