Diehtu plánaálggaheami ja evttohus KBA1 ođđa plánaprográmmii

Guovdageainnu suohkan lea álggahan regulerenplánabarggu (guovloreguleren) KBA1 ássan- ja ealáhusguovllu ovddas, vrd. Plan- og bygningsloven § 12-8. Ulbmil regulerenplánain lea láhčit ássanviessohuksema ja ealáhushuksema oktan infrastruktuvrrain.

KBA1- Gáhkkorčorru guovloreguleren plánaprográmma evttohus sáddejuvvui gulaskuddamii ja biddjui almmolaš geahčadeapmái 12.04.2019, ja mearriduvvui plánalávdegottis 15.06.2019. Plána ulbmil lei dalle láhčit čielga ealáhusguovllu, mii lei eará go Márkan suohkanoasseplána áigumuš, mas areála lei jurddašuvvon ássan- ja ealáhusdoaimmaide lotnolasat.

Jagi 2020 lea suohkan mearridan ahte guovlu goitge galgá láhččojuvvot sihke ássanviesuid ja ja ealáhusulbmiliid váste – nu movt dál lea suohkanoasseplánas.
Ođđa plánaprográmmaevttohus lea asto ráhkaduvvon, ja dat sáddejuvvo dál gulaskuddamii, seammás go dieđihit dál ahte plánabargu álggahuvvo. Čujuhit lagat čilgehusaide plánadoaimmas ođđa plánaprográmma evttohusa.